Սեպտեմբերի 11-ին, Mercedes մակնիշի 01 RQ 101 համարանիշի ավտոմեքենայով Թեւոսյան փողոցում 2 քաղաքացու մահվան ելքով վրաերթի ենթարկելու փաստով ձերբակալվել է մեքենայի վարորդ 30-ամյա Հունան Ա.-ն: Shamshyna.com-ի փոխանցմամբ, նյութերի նախապատրաստման ընթացքում պարզվել է, որ վրաերթի հետեւանքով մահացածներն են՝ 54-ամյա Մեխակ Հարությունյանը եւ 70-ամյա Սլավիկ Հայերյանը: Աղբյուրի տեղեկություններով՝ վրաերթի ենթարկվածները Թեւոսյան փողոցում կատարում էին ճանապարհի վերանորոգման աշխատանքներ եւ վաղ առավոտյան, գալով Թեւոսյան փողոց, աշխատանքների նախապատրաստվելու ժամանակ վրաերթի են ենթարկվել: Վարորդը դեպքի վայրից դիմել էր փախուստի, սակայն, իմանալով որ Երեւանի ճանապարհային ոստիկանները իմացել են իր բնակության վայրը, ինքնակամ ներկայացել է ոստիկանության Նոր Նորքի բաժին: Ավելի վաղ հայտնել էինք, որ սեպտեմբերի 11-ին, դաժան ու ողբերգական դեպք էր տեղի ունեցել Երեւանում։ Ժամը 10։30-ի սահմաններում Mercedes մակնիշի 01 RQ 101 համարանիշի ավտոմեքենայի վարորդը Թեւոսյան փողոցում վրաերթի էր ենթարկել 2 հոգու, որից հետո առաջ ընթնալով բախվել էր էլեկտրասյանն ու բետոնե պարսպին։ Վրաերթի ենթարկվածներից մեկը տեղում մահացել էր, մեկ հոգի էլ տեղափոխվել էր հիվանդանոց, ով նույնպես մահացել էր։