Սեպտեմբերի 11-ին, ժամը 16:02-ին «911» ծառայությանն ահազանգ է ստացվել, որ Արմավիրի մարզի Քարակերտ գյուղի սկզբնամասում տեղի է ունեցել ՃՏՊ. անհրաժեշտ է փրկարարների օգնությունը: Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ Դալարիկ-Քարակերտ ավտոճանապարհի 4-րդ կիլոմետրին «Iveco Stralis» մակնիշի բեռնատարը (վարորդը՝ Գ. Հ., ծնված 1981 թ.)  դուրս է եկել ճանապարհի երթևեկելի հատվածից և կողաշրջվել: Մինչ փրկարարների՝ կանչի վայր հասնելը, վարորդը տարբեր աստիճանի մարմնական վնասվածքներով տեղափոխվել է Արմավիրի ԲԿ: Բժիշկները տուժածի առողջական վիճակը  գնահատել են բավարար: Փրկարարները կատարել են ճանապարհահատվածի լվացման աշխատանքներ: