Սեպտեմբերի 11-ին, ժամը 10:44-ին «911» ծառայությանը տեղեկություն է հաղորդվել, որ Երևան քաղաքի Թևոսյան փողոցում տեղի է ունեցել վրաերթ. կան տուժածներ. անհրաժեշտ է փրկարարների օգնությունը: Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ «Mercedes» մակնիշի ավտոմեքենան (վարորդի ինքնությունը չի հաջողվել պարզել) վրաերթի է ենթարկել անձը չպարզված 2 քաղաքացու, ովքեր տեղում մահացել են, ինչից հետո մեքենան դուրս է եկել երթևեկելի հատվածից և բախվել էլ.սյանը: Փրկարարները հոսանքազրկել են ավտոմեքենաները և փակել գազի բալոնների փականները: