Կոտայքի մարզում վիճաբանություն-ծեծկռտուք է տեղի ունեցել, որին մասնակցություն ունենալու մեջ՝ որպես կասկածյալ, որոնվում են 45-ամյա Հակոբ Վ.-ն, 43-ամյա Աշոտ Վ.-ն։ Shamshyan.com-ի փոխանցմամբ, վերջիններս կասկածվում են օգոստոսի 26-ին վիճաբանություն-ծեծկռտուքին ակտիվ մասակցություն ունենալու մեջ: Հակոբ Վ.-ն աշխատում է «Գազպրոմ-Արմենիա» ՓԲԸ-ում որպես ճարտարագետ, իսկ Աշոտ Վ.-ն «Մուլտի-Լեո» ՍՊԸ-ում, որպես հերթափոխի պետ: Աղբյուրի տեղեկություններով, նրանք հարազատ եղբայրներ են, նրանց հայրն էլ Պտղնիի գյուղապետ Առաքել Վիրաբյանն է: Նրանց հետ վիճաբանությանը ներկա է եղել նաեւ 38-ամյա Արտակ Սարգսյանը, ովքեր ծեծի են ենթարկել 22-ամյա Քաջիկ Ստեփանյանին: