Հայաստանի ԱԻՆ-ում, այսօր՝ սեպտեմբերի 1-ին, ժամը 01:36-ին «911» ծառայությանն ահազանգ է ստացվել, որ Վայոց ձորի մարզի Կարմրաշեն գյուղում այրվում է կուտակված անասնակեր: Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից երկու մարտական հաշվարկ: Պարզվել է, որ հրդեհը բռնկվել է 1-ին փողոցի միջնամասում: Հրդեհը մեկուսացվել է ժամը 06:30-ին, մարվել՝ 08:15-ին: Այրվել է մոտ 1800 հակ անասնակեր, մոտ 92 քմ ծածկ եւ ջերմահարվել՝ 10 մեղվի փեթակ: Հրդեհի հետեւանքով տուժածներ չկան: