Այսօր՝ օգոստոսի 30-ին, խոշոր ու ողբերգական ավտովթար է տեղի ունեցել Սյունիքի մարզում: Ժամը 11:00-ի սահմաններում Կապան-Քաջարան ավտոճանապարհի 9-րդ կմ հատվածում բախվել են ВАЗ 2106 մակնիշի 14 ՕՍ 449 համարանիշի և FAW մակնիշի 341 ՕR 31 համարանիշի ինքնաթափ-բեռնատար ավտոմեքենաները: Shamshyan.com-ի փոխանցմամբ, վթարի հետևանքով 06-ի վարորդն ու ուղևորը տեղում մահացել են: Դեպքի վայր ժամանած Արտակարգ իրավիճակների նախարարության փրկարար ծառայության Կապանի հրշեջ-փրկարարական ջոկատը հատուկ տեխնիկայի միջոցով 06-ը պետք է դուրս բերեին բեռնատարի տակից և այն մասնատելով՝ կարողանային դիերը դուրս բերեն ավտոմեքենայից: Փաստի առթիվ ՀՀ քր օր-ի 242 հոդվածի 3-րդ մասի (ճանապարհատրանսպորտային պատահար, որն անզգուշությամբ առաջացրել է 2 և ավելի մարդու մահ) հատկանիշներով հարուցվել է քրգործ: Ավելի ուշ պարզվել է, որ բեռնատարը վարել է Արտաշատ քաղաքի բնակիչ, 42-ամյա Ռոբերտ Ստեփանյանը, իսկ ВАЗ 2106-ը վարել է Կապանի բնակիչ, 55-ամյա Վարդան Հակոբյանը, ով տեղում մահացել էր և տեղում մահացել էր նրա ուղևոր, Կապան քաղաքի բնակիչ, 36-ամյա Մարտին Անտոնյանը: Գ. Շամշյանի տեղեկություններով՝ վերջինս ծառայում էր ՀՀ ՊՆ N զորամասում՝ պայմանագրային զինծառայող էր: