Երեկ՝ օգոստոսի 25-ին, խոշոր ավտովթար է տեղի ունեցել Շիրակի մարզում։ Ժամը 21։50-ի սահմաններում Գյումրի քաղաքի Մ. Խորենացի փողոցի թիվ 25/2 շենքի դիմաց բախվել են Ստեփանավան քաղաքի բնակիչ՝ 30-ամյա Վազգեն Դալինյանի վարած ВАЗ 2107 մակնիշի 34 ՏV 070 համարանիշի,Գյումրի քաղաքի բնակիչներ՝ 26-ամյա Վլադիմիր Մանուկյանի վարած Mercedes մակնիշի 71 QQ 818 համարանիշի և 27-ամյա Կնյազ Խաչատրյանի վարած Volkswagen մակնիշի 35 ՏQ 391 համարանիշի ավտոմեքենաները։
Shamshyan.com-ի փոխանցմամբ, վթարի հետևանքով Կ. Խաչատրյանի ուղևորներ՝ Գյումրիի բնակիչներ, 37-ամյա Նարինե Մկրտչյանը և 35-ամյա Կարինե Մկրտչյանը մարմնական վնասվածքներով տեղափոխվել են Գյումրիի բժշկական կենտրոն, իսկ 13-ամյա Արմինե Նիկոյանը տեղափոխվել է Գյումրու Մոր և մանկան ավստրիական հիվանդանոց։
Դեպքի վայր են ժամանել ճանապարհային ոստիկանության 2-րդ սպայական գումարտակի 2-րդ վաշտի 2-րդ դասակի ծառայողները՝ վաշտի հրամանատար Վաչե Մալաքյանի և դասակի հրամանատար Ռաֆայել Ասրյանի գլխավորությամբ։ Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Յուրա Հովհաննիսյանը տեղեկությունը փոխանցել է ոստիկանության Մուշի բաժին, որտեղից ժամանել է օպերատիվ խումբը՝ քրեական հետախուզության բաժանմունքի օպերլիազորի գլխավորությամբ։
Փաստի առթիվ ՃՈ 2-րդ սպայական գումարտակի 2-րդ վաշտի ավագ հետաքննիչ Դավիթ Ասատրյանի կողմից նյութեր են նախապատրաստվում։ Հետաքննիչի հանձնարարականով ավտոմեքենաները տեղափոխվել են ՃՈ հատուկ պահպանվող տարածք։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
00:00:00
