Օգոստոսի 25-ին՝ ժամը 01:23-ին, «911» ծառայությանն ահազանգ է ստացվել, որ Երևան քաղաքի Դավթաշեն 2-րդ թաղամասի շրջադարձի մոտակայքում տեղի է ունեցել ՃՏՊ, կա տուժած, առկա է գազի արտահոսք. անհրաժեշտ է փրկարարների օգնությունը: Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ Դավթաշեն 2-րդ թաղամասի տներից մեկի մոտակայքում «Volkswagen Jetta» մակնիշի ավտոմեքենան (վարորդը՝ Գ. է., ծնված 1996 թ.) դուրս է եկել ճանապարհի երթևեկելի հատվածից և հայտնվել մայթեզրի քարակույտի վրա, գազի արտահոսք չի եղել. տուժածներ չկան: Փրկարարները հոսանքազրկել են ավտոմեքենան: