Հայաստանի ԱԻՆ-ում, օգոստոսի 24-ին, ժամը 14:29-ին «911» ծառայությանը տեղեկություն է հաղորդվել, որ Արարատի մարզի Շաղափ գյուղում այրվում է խոտածածկ տարածք:
Դեպքի վայր են մեկնել ՀՀ ԱԻՆ հրշեջ-փրկարարական ջոկատից չորս մարտական հաշվարկ եւ մարզային փրկարարական վարչության օպերատիվ խումբը:
Պարզվել է, որ հրդեհը բռնկվել է Շաղափ գյուղի «Փառքի տարածք» կոչվող հատվածից 500 մ դեպի վերեւ՝ Լանջանիստ գյուղի վարչական տարածքում` Ուրծի լեռներով մինչեւ Սուրբ Կարապետ եկեղեցի: Հրդեհը մեկուսացվել է ժամը 23:27-ին, մարվել` 01:28-ին:
Այրվել է մոտ 200 հա խոտածածկ տարածք, Վեդի-Լանջառ ավտոճանապարհի ձախակողմյան հատվածում՝ մոտ 2 հա բուսածածկույթ եւ մասնակի ջերմահարվել է 40 բերքատու ծառ (խնձորենի, սալորենի):
Հրդեհաշիջման աշխատանքներին մասնակցել են Ուրցաձոր, Լանջառ, Շաղափ համայնքների ղեկավարները, մոտ 25 համագյուղացիներ եւ 32 հրշեջ-փրկարար:
