Օգոստոսի 15-ին, ժամը 16:09-ին «911» ծառայությանը տեղեկություն է հաղորդվել, որ Շիրակի մարզի Արթիկ քաղաքում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը: Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ Նարեկացի-Շիրակացի փողոցների խաչմերուկում «ԶԻԼ-131-ԿՈՒՆԳ» մակնիշի ավտոմեքենան (վարորդը՝ Ե. Կ., ծնված 1997 թ.) կողաշրջվել է: Փրկարարներն ավտոմեքենայի թափքից (ԿՈՒՆԳ) դուրս են բերել ուղևորներին՝ Ա. Գ.-ին (ծնված 1995 թ.) և Ա. Կ.-ին (ծնված 1997 թ.): 1-03 ծառայության աշխատակիցները տուժածներին տեղում ցուցաբերել են համապատասխան բուժօգնություն: