Սյունիքի մարզում, հուլիսի 31-ին, արտակարգ դեպք է տեղի ունեցել. ժամը 18։30-ի սահմաններում Աղիտուի հոսպիտալից ոստիկանության Սիսիանի բաժին ահազանգ է ստացվել, որ «ձախ ծնկոսկրի բազմաբեկոր բաց կոտրվածք՝ տեղաշարժով, ձախ ծնկահոդի թափանցող պատռած վերք, ձախ սրունքի առաջնամիջային մակերեսի պատռած վերքեր, փափուկ հյուսվածքների հեմատոմա» ախտորոշմամբ իրենց մոտ է տեղափոխվել մի քաղաքացի։ Shamshyan.com-ի  փոխանցմամբ, ոստիկանները պարզել են, որ վիրավոը Ֆրանսիայի Հանրապետության քաղաքացի, Ստրասբուրգում բնակվող 30-ամյա Շթեյնմեյց Դոմինիկն է։ Վերջինս հիվանդանոցում հայտնել է, որ վնասվածքը ստացել է Անգեղակոթ գյուղի մոտակայքում մոտոցիկլով վթարի ենթարկվելու հետեւանքով։ Ոստիկանները պարզել են, որ նույն օրը, ժամը 16։00-ի սահմաններում Երեւան-Մեղրի ավտոճանապարհի 196-րդ կմ հատվածում անհայտ մակնիշի եւ համարանիշի բեռնատար ավտոմեքենան բախվել է Շ. Դոմինիկիի վարած Kavasaki մակնիշի 01 ԼԼ 238 համարանիշի մոտոցիկլին, ինչն էլ պատճառ է դարձել, որ Շ. Դոմինիկը վայր է ընկել եւ ստացել նշված վնասվածքները։