Ճանապարհային երթեւեկության իրավախախտումների համար վարչական տուգանքներն այլեւս չեն գերազանցի 30 հազար դրամը, սակայն կկիրառվեն լրացուցիչ տույժեր։ Այս մասին այսօր՝ հուլիսի 26-ին ՀՀ ոստիկանության ֆեյսբուքյան ուղիղ եթերում հայտարարեց Ճանապարհային ոստիկանության պետի տեղակալ Արմեն Խաչատրյանը:
«Վերանայվում են վարչական տուգանքները ոչ միայն տեսահսկման համակարգի միջոցով ֆիքսված իրավախախտումների գործերով, այլ ընդհանրապես իրավախախտումների մասով։ Այլեւս չեն լինի 30 հազարից ավելի տուգանքներ, սակայն տուգանքների հետ մեկտեղ կկիրառվեն լրացուցիչ տույժեր՝ բալերի տեսքով, որն ավելի զսպող եւ արդյունավետ կլինի, քան տուգանքի չափի մեծությունը»,- նշեց նա։
Նշենք, որ այսուհետ ՃՈ-ն կիրառելու է բալային համակարգ, այսինքն՝ յուրաքանչյուր վարորդի տարեսկզբին տրամադրվելու է 9 բալ: Երբ որոշակի խախտումներ կատարելուց հետո այդ բալերը սպառվեն, տրանսպորտային միջոց վարելու իրավունքը 6 ամիս ժամանակով կկասեցվի:
00:00:00
