Կառավարության նիստից հետո լրագրողների հետ զրույցում ՊԵԿ նախագահ Դավիթ Անանյանը նշեց, որ իրեն բավարարում է, որ գումարները բյուջե վերադարձնելուց հետո, բիզնեսմենները իրավական պատասխանատվության չեն ենթարկվում։ «Եթե որպես տնտեսագետի եք իմ կարծիքը հարցնում, ապա ինձ բավարարում է դա, որովհետև չէի ուզի բոլոր բիզնեսմեններին հավաքեինք ճաղերի հետևում: Եթե այդպես անենք, ապա բիզնեսմեն չենք ունենա», - նշեց Անանանյանը: ՊԵԿ նախագահը նաև ընդգծեց, որ նախկին գործունեության արդյունքում պատճառած վնասի վերականգնումն արդեն իսկ պատժամիջոց է: