Ստեփանակերտում այսօր լրագրողների հետ տեղի ունեցած հանդիպմանը Արցախի պաշտպանության նախարար Լեւոն Մնացականյանը նշել է, որ ինչպես նախորդ տարիներին այս տարի եւս շարունակվել են Ադրբեջանի ղեկավարության կողմից ռազմատենչ հայտարարությունները։ Նրա խոսքով, հրադադարի ռեժիմի խախտման կտրուկ նվազում է նկատվել. «Իրադրությունը կայուն հանգիստ կարելի է գնահատել, բայց լարվածության միտումներով։ Նման հանգիստ իրավիճակ չի եղել, հնարավոր է սակայն լարվածության աճ սեպտեմբեր-հոկտեմբերին»,- ասել է նախարարը: