Շիրակի մարզում մահվան ելքով ավտովթար է տեղի ունեցել: Այսօր՝ հուլիսի 17-ին ժամը 22։10-ի սահմաններում ԳԱԶ 31 029 մակնիշի 35 QS 493 համարանիշի ավտոմեքենայի վարորդն Ամասիա-Գյումրի ավտոճանապարհի Ջրաձոր գյուղի վարչական տարածքում դուրս է եկել ճանապարհի երթեւեկելի գոտուց եւ շուրջ 60 մետր գլորվել ձորը։ Այս մասին տեղեկանում ենք shamshyan.com-ից: Վթարի հետեւանքով 1 մարդ մահացել է, եւս 1-ը՝ մարմնական վնասվածքներով տեղափոխվել հիվանդանոց։ Դեպքի վայր է ժամանել Արտակարգ իրավիճակների նախարարության Փրկարար ծառայության Գյումրու հրշեջ-փրկարարական ջոկատը՝ 1 մարտական հաշվարկով։ Մահացածի դին ձորից դուրս են բերել փրկարարները։ Փաստի առիթով հարուցվել է քրեական գործ՝ ՀՀ Քր.օր. 242 հոդվածի 2-րդ մասի հատկանիշներով։ Ոստիկանությունն ու քննչական բաժինը պարզում են մահացածի, վարորդի, վիրավորի ինքնությունը։ Աղբյուրի տեղեկություններով՝ ավտոեքենան հաշվառված է Շիրակի Արեգնադեմ գյուղի բնակիչ, 30-ամյա Հայկ Ստեփանյանի  անվամբ։