Իտալական Լինոզա կղզու ափերին 450 լիբիացի փախստականի տեղափոխող փայտե նավ է հայտնաբերվել: Ինչպես տեղեկացնում է DW.com-ը, շաբաթ առավոտյան ներգաղթյալներին ծովից փրկել են իտալական նավն ու եվրոպական Frontex սահմանապահ ծառայության նավը: Իտալիայի առափնյա ծառայության աշխատակիցները հարևան Լամպեդուզա կղզի են հասցրել 8 կանանց և երեխաների՝ պայմանավորված նրանց առողջական խնդիրներով: Իտալիայի ՆԳ նախարար Մատեո Սալվինիի խոսքով՝ մյուս ներգաղթյաներին անհրաժեշտ է ուղարկել Մալթա, կամ «ավելի լավ է՝ Լիբիա»: Այս մասին իտալացի նախարարն ասել է երկրի վարչապետ Ջուզեպպե Կոնտեի հետ զրույցում: Հուլիսի 12-ին Կոնտեն հրահանգել էր ափին մոտ թողնել իտալական Diciotti փրկարար ծառայության նավը, որը 67 ներգաղթյալի էր փրկել ծովում: Նման որոշում նա կայացրել էր իտալացի նախագահի հետ հեռախոսազրույցից հետո: