Մոսկվայի ամենամեծ ֆան-գոտում բախումներ են եղել ոստիկանների ու երկրպագուների միջև Ռուսաստան-Խորվաթիա խաղից առաջ: Այս մասին հայտնում է Armsport.am-ի ֆոտոթղթակից Գևորգ Ղազարյանը: Այս ֆան-գոտում նախորդ` Ռուսաստան-Իսպանիա խաղի ժամանակ գրանցվել էր մարդկանց ռեկորդային քանակ` մոտավորապես 100.000 երկրպագու: Քառորդ եզրափակչից առաջ Մոսկվայում ահռելի մեծ է հետաքրքրությունը հանդիպման վերաբերյալ: Երկրպագուները մեծ քանակությամբ եկել են ֆան-գոտի` հանդիպումը դիտելու, սակայն մեծ կուտակումների պատճառով չեն կարողացել մուտք գործել: Սկսվել են փոքր բախումներ ոստիկանների հետ և ֆուտբոլասերներից մոտավորպես 500 հոգի կարողացել են անցնել արգելապատնեշներն ու հասնել ֆան-գոտի: