Հունիսի 29-ին, ժամը 13.20-ի սահմաններում, Մ-16 միջպետական ճանապարհի 45-րդ կմ-ին՝ Կողբ գյուղի սկզբնամասում, իրար էին բախվել «ԲՄՎ» եւ «ՎԱԶ-2107» մակնիշի ավտոմեքենաներ. «ՎԱԶ-2107»-ի երեք ուղեւորները մարմնական վնասվածքներով տեղափոխվել էին հիվանդանոց: Ոստիկանությունից NEWS.am-ին հայտնում են, որ հուլիսի 4-ին, ժամը 13.45-ին, ոստիկանություն հաղորդում է ստացվել, որ «ՎԱԶ-2107»-ի ուղեւորուհի, 1965 թ. ծնված Կարինե Աբազյանը հիվանդանոցում մահացել է: