Հուլիսի 5-ին, ժամը 17:23-ին «911» ծառայությանն ահազանգ է ստացվել, որ հրդեհ է բռնկվել Արմավիրի մարզի Բամբակաշատ գյուղի տներից մեկում։ Այս մասին հայտնում ՀՀ Արտակարգ իրավիճակի նախարարությունը: Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ հրդեհը բռնկվել թիվ 15/1 փողոցի տներից մեկի բակում: Հրդեհը մեկուսացվել է ժամը 17:49-ին, մարվել՝ 19:53-ին: Այրվել են մոտ 350 հակ կուտակած անասնակեր, մոտակայքում կայանած «Ford Tranzit» մակնիշի ավտոմեքենայի առջեւի հատվածը եւ տան պատուհանը՝ մասամբ (4 քմ):