«Հայաստան» համահայկական հիմնադրամի տնօրեն Արա Վարդանյանի հայտարարությամբ յուրացրած գումարներն ինքը վերադարձրել է: Այս մասին, կառավարությունում լրագրողների հետ զրույցում ասաց Ազգային անվտանգության ծառայության տնօրեն Արթուր Վանեցյանը:
«Բայց հիմա մենք քննություն ենք իրականացնում, պարզ կլինի, այս պահին չեմ կարող հստակ ասել», - ասաց նա՝ ավելացնելով, որ ունեն հստակ տվյալ՝ Արա Վարդանյանը մոտ 130 միլիոն դրամ խաղացել է խաղատներում:
Արթուր Վանեցյանը հերքեց, թե ԱԱԾ-ն խուզարկություն է իրականացրել Երևանի քաղաքապետ Տարոն Մարգարյանի տանը: «Չկա նման բան», - ասաց նա:
Հարցին, թե հայտնի՞ է Տարոն Մարգարյանի գտնվելու վայրը, ԱԱԾ տնօրենն ասաց, որ Մարգարյանը Հայաստանում է.
«Իսկ թե որտեղ է գտնվում, ճիշտն ասած, չգիտեմ»:
00:00:00
