SHAMSHYAN.com-ի տեղեկություններով՝ երեկ՝ հունիսի 5-ին, վճռաբեկ դատարանի դատավորներից մեկի օգնականը դիմել է ոստիկանության Մալաթիայի բաժին և հայտնել, որ նույն օրը, ժամը 18։30-ի սահմաններում Երևանի Իսակովի պողոտայում Mercedes մակնիշի ավտոմեքենան Volkswagen մակնիշի ավտոմեքենայի վարորդի կողմից հետապնդվել է, ինչի ժամանակ Volkswagen-ի վարորդը իր և իր հետ ավտոմեքենայում գտնվող աղջկան վիրավորական արտահայտություններ է արել, իսկ ընթացքում էլ ատրճանակ պահել իրենց ուղղությամբ։ Ինչպես հայտնում է shamshyan.com-ը, վճռաբեկ դատարանի դատավորի օգնականը Մալաթիայի ոստիկաններին հայտնել է նաև իրեն հետապնդող ավտոմեքենայի համարանիշը։ Փաստի առթիվ ոստիկանության Մալաթիայի բաժնում հետաքննություն է սկսվել։