Թիմով եղանք Արարատի մարզի գյուղերում, մեր գլխավոր խնդրին` իշխանափոխության օրակարգին զուգահեռ տեղերում փորձելու ենք օգտակար լինել մեզ իրենց քվեն վստահած հայրենակիցներին։ Այս մասին հայտնում է Ուժեղ Հայաստան դաշինքի պատգամավորի թեկնածու Մարիաննա Ղահրամանյանը։
«Այս ձևաչափով լինելու ենք Հայաստանի բոլոր մարզերում, մեր հնարավորությունների ու ներուժի չափով նպաստելու ենք տեղային խնդիրների լուծմանը, կոտրելու ենք այն կարծրատիպը, թե քաղաքական ուժերը քարոզարշավից քարոզարշավ են հիշում մարդկանց»։
