Այսօր Հայաստանում քաղբանտարկյալների թիվն ավելացավ ևս մեկով, 2 ամիս ժամկետով կալանավորվեց ԱԺ նախկին պատգամավոր Արեգնազ Մանուկյանը և շփումների տոտալ արգելք: Այս մասին իր ֆեյսբուքյան էջում գրել է իրավապաշտպան Ռուբեն Մելիքյանը:

«Կալանավորվեց միջին ծանրության ենթադրյալ հանցանքի համար։ Ծանր չէ - միջին։

Նորից ունենք կին-քաղբանտարկյալ, որն ունի անչափահաս զավակ։

Այս պայմաններում Արեգնազի բանտային կալանքն ամոթալի փաստ է բոլոր տղամարդկանց համար։

ՀԳ. Ազատությու՛ն բոլոր քաղբանտարկյալներին», - գրել է նա։