Այսօր՝ հունիսի 1-ին, ավտովթար է տեղի ունեցել Գեղարքունիքի մարզում: Ժամը 10:50-ի սահմաններում Գավառի բժշկական կենտրոնից Ոստիկանության Մարտունու բաժին հայտնել են, որ մարմնական վնասվածքներով իրենց մոտ է տեղափոխվել մի քաղաքացի: Ինչպես հայտնում է shamshyan.com-ը, հիվանդանոց են մեկնել Ոստիկանության Մարտունու բաժնի օպերատիվ խումբը, ովքեր պարզել են, որ վիրավորը Գավառ քաղաքի բնակիչ 32-ամյա Վահագն Հովհաննիսյանն է: Վերջինս ոստիկաններին հայտնել է, որ վնասվածքները ստացել է վայր ընկնելու հետևանքով: Ֆոտոլրագրողի տեղեկություններով մինչ Վ. Հովհաննիսյանը մտածել է, որ ոստիկաններին կկարողանա մոլորեցնել, Մարտունու ոստիկանները Ճանապարհային ոստիկանության 2-րդ սպայական գումարտակի 4-րդ վաշտի 1-ին դասակի ծառայողների հետ պարզել են, որ Վ. Հովհաննսիյանի հայտնած տեղեկությունը իրականությանը չի համապատասխանում: