«Կրասնոդարի» գլխավոր մարզիչ Մուրադ Մուսաևն անդրադարձել է թիմի ավագ և կիսապաշտպան Էդուարդ Սպերցյանի շուրջ ստեղծված իրավիճակին։ Հիշեցնենք, որ ամռանը հայ ֆուտբոլիստը մոտ էր անգլիական «Սաութհեմփթոն» տեղափոխվելուն։ Այս մասին տեղեկանում ենք armsport.am կայքից։
«Это футбол, брат» յութուբյան ալիքի եթերում Մուսաևը մասնավորապես նշել է․
«Նա ամեն գնով հեռանալու մոլուցք չունի։ Իրավիճակը չափազանցնում և սրում են թե՛ այստեղ, թե՛ հատկապես Հայաստանում։ Այնտեղ խոսում են ու, կարծես, մտածում, որ «Կրասնոդարը» նրան գերության մեջ է պահում։
Սակայն նա երջանիկ մարդ է։ Սպերցյանն արդեն իսկ ակումբի և քաղաքի լեգենդ է, նրան բոլորը պաշտում են։ Նա ցուցադրում է վառ և դիտարժան ֆուտբոլ։ Անձամբ Էդուարդը չտեղափոխվելու փաստով չի անհանգստանում»։
