Տղամարդկանց առաջնությունում Հայաստանը ներկայացնում են 8 շախմատիստներ՝ 

ՄԳ Հայկ Մարտիրոսյան

ՄԳ Շանթ Սարգսյան

ՄԳ Արամ Հակոբյան

ՄԳ Ռոբերտ Հովհաննիսյան

ՄԳ Էմին Օհանյան

ՄՎ Ռոբերտ Փիլիպոսյան

ՄՎ Արթուր Դավթյան

ՄԳ Մամիկոն Ղարիբյան

Կանանց առաջնությունում Հայաստանը ներկայացնում են 4 շախմատիստուհիներ՝

ՄԳ Էլինա Դանիելյան

ՄՎ Լիլիթ Մկրտչյան

ԿՄԳ Մարիամ Մկրտչյան

ԿՄՎ Սուսաննա Գաբոյան։

Հայաստանի շախմատի ֆեդերացիայից տեղեկացնում են, որ գրոսմայստեր Էմին Օհանյանը աշխարհի կայծակնային շախմատի առաջնության երկրորդ խաղափուլում հաղթանակ է տարել դասական շախմատում 2776 վարկանիշ ունեցող գերմանացի գրոսմայստեր Վինսենթ Կայմերի նկատմամբ:

Գրոսմայստեր Շանթ Սարգսյանը աշխարհի կայծակնային շախմատի առաջնության չորրորդ խաղափուլում հաղթանակ է տարել 2734 վարկանիշ ունեցող ամերիկացի գրոսմայստեր Հանս Մոկե Նիմանի նկատմամբ:

Գրոսմայստեր Ռոբերտ Հովհաննիսյանը աշխարհի կայծակնային շախմատի առաջնության հինգերորդ խաղափուլում հաղթանակ է տարել դասական շախմատում 2731 վարկանիշ ունեցող վիետնամացի գրոսմայստեր Լե Կուանգ Լիեմի նկատմամբ:

Գրոսմայստեր Էլինա Դանիելյանը աշխարհի կանանց կայծակնային շախմատի առաջնության 6-րդ խաղափուլում հաղթել է աշխարհի կանանց կայծակնային շախմատի կրկնակի չեմպիոն Բիբիսարա Ասաուբաևային, իսկ 8-րդ խաղափուլում՝  աշխարհի կանանց 16-րդ չեմպիոնուհի Թան Չժունյիին:

Գրոսմայստեր Մարիամ Մկրտչյանը աշխարհի կանանց կայծակնային շախմատի առաջնության 6-րդ խաղափուլում հաղթել է կանանց Գրանդ Սվիս շախմատի մրցաշարի կրկնակի հաղթող Ռամեշբաբու Վայշալիին:

Կանանց միջազգային վարպետ Սուսաննա Գաբոյանը աշխարհի կանանց կայծակնային շախմատի առաջնության 8-րդ խաղափուլում հաղթել է ԱՄՆ-ի կանանց ութակի չեմպիոն Իրինա Կրուշին:

Գրոսմայստեր Արամ Հակոբյանը աշխարհի կայծակնային շախմատի առաջնության 10-րդ խաղափուլում հաղթել է 2026 թվականի հավակնորդների մրցաշարի մասնակից Անդրեյ Եսիպենկոյին: