Մարդիկ չունեին փորձ, չունեին գիտելիքներ, բայց հագել էին մի կոստյում, որը, հաստատ, իրենց վրայով չէր, «5-րդ ալիք»-ին տված հարցազրույցում ասել է ՀՀ 2-րդ նախագահ Ռոբերտ Քոչարյանը՝ պատասխանելով հարցին, թե ինչո՞ւ ընկավ Արցախը։
«Անճարության մի զգացողություն էր, որ դու տեսնում ես՝ ամեն ինչ կորցնում ես, քո հայրենիքը կորցնում ես»,- նշել է նա։
Ըստ Ռոբերտ Քոչարյանի՝ Ադրբեջանը հիմա չի կրակում, քանի որ ինչ ուզում են՝ Նիկոլ Փաշինյանը տալիս է։
ՀՀ 2-րդ նախագահը չի հավատում որևէ խաղաղության, որն ամրագրված չէ երաշխիքային ինչ-որ մեխանիզմներով։
Հարցազրույցը հեռարձակվելու է նոյեմբերի 9-ին՝ ժամը 21։00-ին։
