«Իշխանություն» լրատվականին Մերձավանից հայտնում են, որ Ախտոյանների ընտանիքը մտադիր է վերադառնալ, ինչի հետևանքով համայնքում կրկին մթնոլորտը լարվել է: Հայտնում է լրագրող Լիա Սարգսյանը․
«Այս տեղեկությունների ֆոնին, Վալոդյա Գրիգորյանի մերձավորները և գյուղի բնակիչներ մտադիր են կիրակի օրը բողոքի ակցիա իրականացնել Մերձավանում՝ պահանջելով պատասխանատու կառույցներից միջոցներ ձեռնարկել համայնքի անվտանգության և հասարակական կարգի ապահովման ուղղությամբ։
Բնակիչների փոխանցմամբ՝ իրենց նպատակն է կանխել հնարավոր լարված իրավիճակները և ապահովել, որ համայնքը վերադառնա բնականոն կյանքին։ Իսկ դա հնարվոր է միայն այն դեպքում, երբ Ախտոյան ընտանիքն առհավետ հեռանա Մերձավանից:
Հիշեցնենք, որ ընդդիմադիր համայնքապետ Վալոդյա Գրիգորյանի սպանության կազմակերպիչների մեջ շոշափվում է նաև ՔՊ-ական Մհեր Ախտոյանի անունը»,- հավելել է լրագրող Լիա Սարգսյանը։
