Փարաքարում այսօր վերջին հրաժեշտը տվեցին համայնքապետ Վալոդյա Գրիգորյանին։ Վերջին հրաժեշտի արարողությանը մասնակցում էր նաև ԱԺ փոխնախագահը՝ ՔՊ-ական Հակոբ Արշակյանը։
Հիշեցնենք՝ սեպտեմբերի 23-ին՝ ժամը 23.52-ին, ՆԳՆ ոստիկանություն ահազանգ էր ստացվել, որ Արմավիրի մարզի Մերձավան բնակավայրի Երևանյան խճուղում կրակոցներ են հնչել։
Մահացածներից մեկը Փարաքար համայնքի ղեկավար Վալոդյա Գրիգորյանն էր, երկրորդ զոհը քրեական ոստիկան Կարեն Աբրահամյանն էր:
ՆԳՆ մամուլի խոսնակ Նարեկ Սարգսյանը հայտնել էր, որ ոստիկանը ծառայության մեջ չի եղել, պարզապես այդ պահին Վալոդյա Գրիգորյանի հետ է եղել. նրանք ընկերական հարաբերություններ են ունեցել:
Մերձավանի կրակոցների և սպանությունների դեպքի առթիվ նախաձեռնվել է քրեական վարույթ։
Նշենք, որ վիրավորում էր ստացել նաև նրանց հետ գտնվող երրորդ անձը, որը վիրահատվել է, կյանքին վստանգ չի սպառնում։
