Անի կենտրոնի հիմնադիր, լրագրող Թաթուլ Հակոբյանը գրում է․
«Իլհամ Ալիևի պատասխաններն եմ լսում Ստեփանակերտում:
Ուղղակի ծաղրում է մեզ՝ Հայաստանին, և Նիկոլ Փաշինյանին, ուղղակի ծաղրում: Բեղերի տակ ծիծաղելով:
Բայց ամենակարևորը՝ երկու նախապայման է նշում Ալիևը Հայաստանի հետ պայմանագիր ստորագրելու համար.
ա/ Մինսկի խմբի ցրում, որին պատրաստ է Փաշինյանը,
բ/ Հայաստանի Սահմանադրությունից Անկախության Հռչակագրի, ավելի ճիշտ՝ 1989 թվականի միացման որոշման կետի հեռացում, որին կրկին պատրաստ է ՀՀ վարչապետը:
Սա նշանակում է, որ մեկ տարի առնվազն պայմանագիր չի ստորագրվի, թեև կարող է դրանից հետո էլ չստորագրվել:
Շատ զզվելի էր այն քծնանքը, որ երևում էր վրացի Վաշաձեի ու ուկրաինացի Գորդոնի հարցերից:
Բայց սրան ուշադրություն չդարձնենք, հիմա քնեք, որ վաղը առավոտյան կրկին մտածեք, թե ինչպես եք գրոհում Մայր Աթոռը:
Նաև հանկարծ չմտածեք, թե ինչպես եք ադրբեջանական բանակին դուրս մղելու զավթված հայկական հողերից:
Կարևորը Մայր Աթոռի գրոհն է»:
