Թուրքիայի և Իրանի նախագահներ Ռեջեփ Թայիփ Էրդողանը և Մասուդ Փեզեշքիանը հեռախոսազրույց են ունեցել։ Ըստ ԱՊԱ-ի, այս մասին հայտնել է Թուրքիայի նախագահի աշխատակազմի հաղորդակցության վարչությունը։

Կողմերը մտքեր են փոխանակել Իսրայել-Իրան հակամարտության, ինչպես նաև տարածաշրջանային և համաշխարհային հարցերի շուրջ։

Թուրքիայի նախագահը նշել է, որ հեռախոսազրույցներ է ունեցել որոշ համաշխարհային առաջնորդների հետ՝ տարածաշրջանում լարվածությունը վերացնելու և կողմերին միջուկային համաձայնագրի շուրջ բանակցություններին վերադարձնելու համար։

Էրդողանը ընդգծել է Թուրքիայի հանձնառությունը տարածաշրջանում խաղաղությունն ու կայունությունը պահպանելու հարցում։