Դիտարկելով ստեղծված իրավիճակը՝ Ճամբարակի համայնքապետարանը վստահեցնում է, որ անհրաժեշտ ամեն ինչ իրականացվելու է, որ աղետի հետևանքով տուժածներն առանց կեցավայրի ու անհրաժեշտ պայմանների չմնան։ Այս մասին ասված է Ճամբարակի համայնքապետարանի ֆեյսբուքյան էջում։
«Հետո արդեն որոշումներ կկայացվեն շենքի և երկարաժամկետ լուծումներ տրվող քայլերի մասին։
Համայնքապետարանը ցավակցում է աղետի հետևանքով զոհված համաքաղաքացիների ընտանիքների անդամներին, հարազատներին և իր երախտագիտությունը հայտնում բոլոր կառույցներին, կազմակերպություններին, անհատ քաղաքացիներին՝ դեպքի վայրում որոնողափրկարարական աշխատանքներ իրականացնելու, տուժած բնակչության կողքին լինելու, բարոյական և ֆիզիկական օգնություն ցուցաբերելու և ըստ անհրաժեշտության համապատասխան աջակցություն ցուցաբերելու համար»,-ասված է հայտարարության մեջ։
Նշենք, որ հունիսի 11-ին, ժամը 08։34-ին Ճամբարակ քաղաքի Տիգրան Մեծի 4 շենքի բնակարաններից մեկում հրդեհի բռնկման և փլուզման դեպք է գրանցվել, որը, ըստ նախնական տվյալների, առաջացել է գազի պայթյունից։
