Հետխորհրդային տարածաշրջանում ամենաարագ զարգացող բժշկական համալսարանը Երևանի Մխիթար Հերացու անվան պետական բժշկական համալսարանն է։ 

Այս մասին հայտնել է oncodaily.com-ը։ 

Այս գնահատականը հիմնված է մեծածավալ հետազոտության վրա, որի ընթացքում վերլուծության է ենթարկվել ողջ հետխորհրդային տարածաշրջանի բժշկական համալսարանների, ինչպես նաև բժշկական ֆակուլտետներ ունեցող համալսարանների գեներացրած գիտական արդյունքը։ 

Այն չափվել է ԱՄՆ Ազգային բժշկական գրադարանում ինդեքսավորված գիտական ամսագրերում տպագրված հոդվածների միջոցով։ 

Արագ աճող համալսարանների ցանկում ԵՊԲՀ-ին հաջորդում են Լատվիայի համալսարանը, Սամարայի պետական բժշկական համալսարանը, Սանկտ Պետերբուրգի պետական համալսարանը, Նովոսիբիրսկի պետական համալսարանը և Վիլնյուսի համալսարանը։ 

Published by Armenpress, original at https://armenpress.am/hy/article/1218367?fbclid=IwY2xjawJ8TVtleHRuA2FlbQIxMQBicmlkETF5SDVod0d5dEpkN25XdDJ5AR4nzoDHP-4xNxXXxrD1YuBp9HgTown2WZvhhr3w4T-QN80gwFzv94nM7IiQrg_aem_uB363Q3-9O7Xd_ew7zpbTg