Պետությունը ներկայացված է գործող վարչակազմով, այնպես որ ՀՀ սովորական քաղաքացու տեսանկյունից խնդրի ընկալումն այնպիսին է, որ ոչ թե ինչ-որ մի վերացական պետական համակարգ է քաղաքացու գրպանի տերը դառնալու ձգտում դրսևորում, այլ կոնկրետ վարչապետ Փաշինյանն ու իր գլխավորած քաղաքական թիմն է մտնում այդ գրպանը։ Բայց ես անգամ այդ գրպանից հավելյալ գումար հանելու խնդիրը չէի համարի առաջնային։ Այս մասին գրել է Արցախի Հանրապետության արտաքին գործերի նախկին նախարար Արման Մելիքյանը.
«Շատ ավելի վնասակար ու վտանգավոր է այն, որ քաղաքացու կյանքի նկատմամբ տոտալ վերահսկողություն է սահմանվում նաև մարդուն ստորացնող, լրացուցիչ ծախսի տակ գցող տեխնիկական հնարքների կիրառմամբ։ Ներդրվող համակարգն, իմ կարծիքով, քաղաքացիների անձնական տվյալների անվտանգության երաշխիք չի ապահովում։ Մինչդեռ, պետության ղեկին կանգնած քաղաքական թիմին մարդկանց կյանքը վերահսկելու բացառիկ հնարավորություն է ընձեռվում»։
