Այսօր Տիգրան Պետրոսյանի անվան շախմատի տուն-մարզադպրոցում տեղի է ունեցել  Հայաստանի շախմատի տղամարդկանց 85-րդ և կանանց 80-րդ առաջնությունների փակման արարողությունը:

Ինչպես արդեն հայտնել ենք, տղամարդկանց առաջնությունում չեմպիոն է դարձել գրոսմայստեր Ռոբերտ Հովհաննիսյանը, ով 9 հնարավորից վաստակել է 6.5 միավոր:

Արծաթե մեդալակիր է դարձել միջազգային վարպետ Արթուր Դավթյանը՝ 5.5 միավորով:

Լավագույն եռյակը եզրափակել է ՖԻԴԵ-ի վարպետ Սարգիս Սարգսյանը՝ նույնպես 5.5 միավորով:

Կանանց առաջնությունում չեմպիոն է դարձել կանանց միջազգային վարպետ Սուսաննա Գաբոյանը, ով վաստակել է 7 միավոր:

Արծաթե մեդալակիր է դարձել կանանց ՖԻԴԵ-ի վարպետ Աննա Խաչատրյանը՝ 6.5 միավորով:

Լավագույն եռյակը եզրափակել է կանանց ՖԻԴԵ-ի վարպետ Մարիամ Ավետիսյանը՝ 6 միավորով:

Միլենա Գասպարյանը և Նվարդ Հայրապետյանը նույնպես վաստակել են 6 միավոր՝ լրացուցիչ ցուցանիշներով զբաղեցնելով 4-րդ և 5-րդ հորիզոնականները:

Ռոբերտ Հովհաննիսյանը և Սուսաննա Գաբոյանը ստացել են Հայաստանի հավաքականում հանդես գալու իրավունք։