ԱԺ «Պատիվ ունեմ» խմբակցությունում չի քննարկվել հարցը, թե ինչպես են քվեարկելու Հայաստանի՝ ԵՄ անդամակցության վերաբերյալ նախագծին։
«Երբ հարցը փաստացի գա, հասնի լիագումար նիստին, «Հանրապետական» կուսակցության խմբակցությունը, բնականաբար, իր դիրքորոշումը կհայտնի։ Բայց ես ակնկալում եմ, որ դրա նախաձեռնող քաղաքական միավորներն անկեղծ կլինեն ժողովրդի հետ և կասեն, որ ԵՄ-ից փաստացի որևէ դրական արձագանք չի եղել (բացի Եվրոպական խորհրդի մի քանի պատգամավորներից)։ Մեզ որևէ մեկը ԵՄ դեռ չի հրավիրել։ Ակնկալում եմ, որ նախաձեռնողները կընդունեն, որ իրենք զբաղվում են հույսի վաճառքով, փորձում են մոլորեցնել մեր հասարակությանը»,-ասաց պատգամավորը։
