00:00:00

Էրդողանն իր վերահսկողության տակ գտնվող զինյալներին կոչ է արել գրավել Դամասկոսը

22:04, 06 դեկտեմբեր 2024 Հասարակություն

Թուրքիայի նախագահ Ռեջեփ Էրդողանը, մեկնաբանելով Սիրիայում տեղի ունեցող իրադարձությունները, որտեղ վերջին շրջանում վերսկսվել են ռազմական գործողությունները, հայտարարել է, որ ընդդիմության ուժերը շարունակում են իրենց առաջխաղացումը և նրանց թիրախը Սիրիայի մայրաքաղաք Դամասկոսն է։ 
 

 Նա նաև հայտնել է, որ կապ է հաստատել Սիրիայի նախագահ Բաշար Ասադի հետ՝ քննարկելու Սիրիայի ապագան․ «Ընդդիմության այս երթը շարունակվում է։ Իդլիբը, Համան, Հոմսը և, իհարկե, թիրախը Դամասկոսն է։ Մենք դիմեցինք Ասադին և ասացինք՝ եկեք միասին որոշենք Սիրիայի ապագան: Ցավոք, մենք չկարողացանք այդ հարցի շուրջ դրական հայտարարի գալ», - նշել է Թուրքիայի նախագահը։ 

«Ցավոք, տարածաշրջանը ծանր ժամանակներ է ապրում», - հավելել է նա։

 Էրդողանը նաև հայտարարել է՝ իր վերահսկողության տակ գտնվող զինյալներին կոչ է արել շարունակել Արաբական Հանրապետության բռնազավթումը։

Լրահոս

Արխիվ

March 2017
Երկ ԵրքՉոր Հնգ Ուրբ Շաբ Կիր