Մայիսի 25-ին, ժամը 10:31-ին «911» ծառայությանը տեղեկություն է ստացվել, որ Արմավիրի մարզի Էջմիածին քաղաքի Մաշտոցի փողոցում տեղի է ունեցել ՃՏՊ, կա տուժած. անհրաժեշտ է փրկարարների օգնությունը: Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ բախվել են «Opel Astra» մակնիշի (վարորդը՝ Ս. Կ.), «KIA Sorento» մակնիշի (վարորդը՝ Կ. Հ.) և «Mercedes E320» մակնիշի (վարորդը՝ Ռ. Վ.) ավտոմեքենաները: Մինչ փրկարարների՝ կանչի վայր հասնելը, Ռ. Վ.-ն տարբեր աստիճանի մարմնական վնասվածքներով հոսպիտալացվել է Էջմիածնի ԲԿ: Բժիշկները տուժածի առողջական վիճակը գնահատել են միջին ծանրության: Փրկարարները հոսանքազրկել են ավտոմեքենաները և փակել գազի բալոնների փականները: