Մարդկանց շրջանում կապիկի ծաղկի տարածման դեմ պայքարի համար առաջիկա կես տարում անհրաժեշտ է Առողջապահության համաշխարհային կազմակերպությանը հատկացնել 135 մլն դոլար, հայտնել է կազմակերպության գլխավոր տնօրեն Թեդրոս Ադհանոմ Գեբրեյեսուսը։

«Կապիկի ծաղկի բռնկման դեմ պայքարը պահանջում է միջազգային հանրության համալիր եւ համակարգված աշխատանքը»,- նշել է նա, տեղեկացրել է «Ինտերֆաքսը»։

Օգոստոսի 14-ին ԱՀԿ-ն արտակարգ դրություն է հայտարարել հանրային առողջապահության ոլորտում՝ կապված կապիկի ծաղկի տարածման հետ աշխարհի մի շարք երկրներում։