Ըստ ոստիկանության օպերատիվ հաղորդագրությունների ամփոփագրերի` մայիսի 21-ից 22-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 41 դեպք։ Մասնավորապես՝ անձնական ունեցվածքի գողության 12, մարմնական վնասվածք հասցնելու 7, խարդախության 6, պաշտոնեական լիազորությունների չարաշահման 4, յուրացման կամ վատնման, դրամանենգության, թմրամիջոցի հայտնաբերման եւ ապօրինի ծառահատման 2-ական, անձի առեւանգման, շորթման, գույքի դիտավորությամբ ոչնչացման եւ խուլիգանության 1-ական դեպք։ Գրանցվել է զենք-զինամթերքի կամավոր հանձնման 2 դեպք։ Նախկինում կատարված հանցագործություններից բացահայտվել է կողոպուտի, անձնական ունեցվածքի գողության, բնակարանային գողության եւ խարդախության 1-ական դեպք: Անցած 1 օրվա ընթացքում հանրապետությունում արձանագրվել է ճանապարհատրանսպորտային 10 պատահար, ինչի հետեւանքով 10 մարդ ստացել է տարբեր աստիճանի մարմնական վնասվածքներ: