00:00:00

Ադրբեջանի ԱԳՆ-ն հակադարձում է Արարատ Միրզոյանին

15:22, 23 մայիս 2023 Քաղաքականություն

Ադրբեջանի արտգործնախարարությունը հակադարձել է Հայաստանի դիվանագիտական գերատեսչության ղեկավար Արարատ Միրզոյանի կողմից երեկ Մեծ Բրիտանիայի պետնախարար Լեո Դոքերթիի հետ համատեղ ասուլիսի ընթացքում հնչեցրած հայտարարություններին, կրկին ժխտելով, թե Լաչինի միջանցքում անցակետ տեղադրելու հետևանքով Լեռնային Ղարաբաղը հայտնվել է լիակատար շրջափակման մեջ։ Այս մասին հայտնում է «Ազատությունը»։

«Հայաստանցի պաշտոնյաների կողմից անընդհատ կրկնվող անհիմն պնդումները, թե Ադրբեջանի կողմից «Լաչին» հսկիչ-անցագրային կետի ստեղծումը իբր արգելափակել է ճանապարհը, հումանիտար խնդիրների է հանգեցրել, խոչընդոտում է Կարմիր խաչի միջազգային կոմիտեի գործունեությանն ու «էթնիկ զտման քաղաքականության» մաս է հանդիսանում, Հայաստանի կողմից իրողությունները կեղծելու փորձ է», - պնդում է Ադրբեջանի արտաքին քաղաքական գերատեսչությունը։

 

«Հայկական կողմը միջազգային հանրությանը մոլորության մեջ գցելու իր փորձերին պետք է վերջ տա։ Հայաստանը մինչև հիմա շարունակում է խրախուսել ադրբեջանական տարածքներ միջազգային առաքելություն ուղարկելը, խոչընդոտում է ադրբեջանական կառավարության և Ադրբեջանի Ղարաբաղի տարածաշրջանի հայ բնակիչների միջև երկխոսությանը։ Դա մենք դիտարկում ենք որպես միջամտություն Ադրբեջանի ներքին գործերին։ Եթե Հայաստանը տարածաշրջանում խաղաղության և անվտանգության կողմնակից է, պետք է դադարեցնի նման միջամտությունները», - հայտարարել է պաշտոնական Բաքուն։

Լրահոս

Արխիվ

March 2017
Երկ ԵրքՉոր Հնգ Ուրբ Շաբ Կիր