Թբիլիսիում՝ Ռուսթավելի պողոտայում, Ամանորի տոնակատարության ժամանակ անհաջող հրավառության պատճառով հրդեհվել է գլխավոր տոնածառը, հայտնում է ekhokavkaza.com-ը:

Բացի այդ, հրդեհի մի քանի դեպք է գրանցվել բնակելի շենքերում, հրավառության հետևանքով վնասվել են ծառեր և կայանված մեքենաներ, իսկ մեկ մարդ ճայթրուկներ արձակելիս կորցրել է ձեռքի մատները, գրում են տեղական լրատվամիջոցները։

Հսկայական քանակությամբ հրավառության և պիրոտեխնիկայի օգտագործումը Վրաստանի մայրաքաղաքում ամանորյա ավանդույթ է։ Ուստի հրշեջներն ու փրկարարներն ամեն տարի Ամանորի գիշերը ստիպված են աշխատել արտակարգ ռեժիմով։