Իսրայելը ամեն շաբաթ միջինը առնվազն մեկ գործողություն է իրականացնում Իրանի դեմ ինչ-որ տեղ Մերձավոր Արեւելքում, ասել է ՑԱԽԱԼ-ի շտաբի պետ, գեներալ-լեյտենանտ Ավիվ Կոհավին, հայտնում է JPost-ը:
Նրա խոսքով՝ ՑԱԽԱԼ-ը պատրաստ կլինի այն ժամանակ, երբ եւ եթե նրան հրամայեն հարձակվել Իրանի միջուկային օբյեկտների վրա։ «Իրանում գործողության համար պատրաստվածության մակարդակը կտրուկ բարձրացել է,- ասել է Կոհավին,- Ես կասեմ ավելին։ Իսրայելի պաշտպանության բանակը պատրաստ կլինի այն օրվան, երբ միջուկային ծրագրի դեմ գործելու հրաման տրվի, եւ նա կկատարի իր վրա դրված առաքելությունը»։
