Գյումրիում գտնվող ՌԴ հյուպատոսարանի դիմաց բողոքի ակցիա են իրականացրել Շիրակի մարզից գերեվարված եւ մինչեւ հիմա գերության մեջ գտնվող տղաների հարազատները։ 

Նրանք պահանջում են, որպեսզի այսօր կայանալիք Նիկոլ Փաշինյան-Վլադիմիր Պուտին հանդիպման ժամանակ բարձրացվի տղաների ճակատագրի հարցը։

<<Օրեր շարունակ ակցիա ենք արել ՌԴ դեսպանատան դիմաց, երեկ էլ այնտեղ էինք, այսօր որոշեցինք հավաքվել հյուպատոսարանի մոտ։ Մեր պահանջը նույնն է՝ մեր բալեքին թող ոնց տարել են, հետ բերեն>>,-ասաց ակցիայի կազմակերպիչներից մեկը։

Գերիների հարազատներից երեքին հրավիրել են ներս՝ հյուպատոսի հետ հանդիպման, որից հետո ակցիայի մասնակիցները որոշեցին հեռանալ տարածքից։