Հայաստանում մոտ 40 րոպե է՝ «Յուքոմ» ինտերնետ ծառայությունը խափանումներով է աշխատում։ «Յուքոմի» մամուլի ծառայությունից հայտնեցին, որ խափանումը պայմանավորված է միջազգային կապուղու վրա վթարով։
«Միջազգային կապուղու վրա՝ Ֆրանկֆուրտում վթար է տեղի ունեցել, որի հետեւանքով Հայաստանի ամբողջ տարածքում հասանելիություն չունեինք համացանցին։ Վթարի հետեւանքները վերացվում են, եւ հայաստանյան բաժանորդները աստիճանաբար հասանելիություն են ստանում համացանցին»,– փոխանցեցին «Յուքոմի» մամուլի ծառայությունից։
