Ռուսաստանի հավաքականի նախկին պաշտպան Օմարի Տետրաձեն խոսել է Հենրիխ Մխիթարյանի և ռուս ֆուտբոլիստների մասին:
«Գոլովինը ժամանակին տեղափոխվեց «Մոնակո», որի սեփականատերը ռուս էր։ Ալեքսանդր Գոլովինը հարգանքի է արժանի, լավ ֆուտբոլիստ է։ Բայց, ամեն դեպքում Հենրիխ Մխիթարյանի մասին խոսում են Եվրոպայում, իսկ ռուս ֆուտբոլիստների մասին՝ ոչ։ 1990-ականներին ոչ թե ուղղակի պայմանագիր էին ստորագրում և նստում պահեստայինների նստարանին, այլ խաղում էին։ Իսկ հիմա միայն լուրեր են պտտվում․ Իվանովին ցանկանում է ձեռք բերել «Մանչեսթեր Սիթին», «Ռեալը» և «Բարսելոնան»։ Բայց, արդյունքում բոլորն էլ ավարտում են կարիերան Ռուսաստանի առաջնությունում։ Պետք է հասկանալ, թե ինչու մեր ֆուտբոլիստներին չեն ցանկանում հրավիրել Եվրոպա։ Պետք է զարգացնել մանկապատանեկան ֆուտբոլը»,- ասել է Տետրաձեն Championat.com-ի հետ զրույցում։
