Հոգնած աչքեր, չորություն, ավազի զգացում. հավանաբար չկա մարդ, ով չի հանդիպել նմանատիպ ախտանիշների։ Դա պայմանավորված է ժամանակակից մարդու և համակարգչի սերտ կապով: Այս ամենը հանգեցնում է նրան, որ երկարատև աշխատանքի պատճառով աչքի մկանները գերլարվում են։ Արդյունքում տեսողությունը վատանում է, կենտրոնացումը կորում, շրջապատող առարկաները դառնում են մշուշոտ:
Ախտանշաններ, որոնք հուշում են՝ ժամանակն է այցելել ակնաբույժի.
Աչքերում՝ մառախուղ, ցավ, տեսադաշտում՝ քող
Աչքերի կարմրություն, չորություն և այրոց
Պատկերի կրկնապատկում, նկարի անորոշություն
Հեռավոր օբյեկտների վրա կենտրոնանալու անկարողություն
Պայծառ լույսի նկատմամբ զգայունության բարձրացում:
Բացի վերը նշված նշաններից, մարդը կարող է զգալ տեսողության նվազում, հարմարեցման խախտում, աչքի տարբեր հեռավորությունների վրա կենտրոնանալու ունակություն: Դժվար է դառնում աշխատել համակարգչի մոտ, նայել հեռախոսի էկրանին, կարդալ և կենտրոնանալ առարկաների վրա։
Նմանատիպ ախտանշանները հաճախ ի հայտ են գալիս գրասենյակային աշխատողների մոտ՝ ոչ միայն համակարգչով երկարատև աշխատանքի, այլ նաև սենյակի չոր օդի պատճառով, որտեղ խոնավացնող համակարգ չի օգտագործվում։
Մի շարք միջոցներ, որոնք կօգնեն վերացնել հոգնածությունը և վերականգնել տեսողական հարմարավետությունը
Վիզուալ աշխատանքում անպայման պետք է ընդմիջումներ անել, 15-20 րոպեն մեկ շեղվել համակարգչից։ Պարբերաբար կատարել տեսողական մարմնամարզություն՝ աչքի մկաններն ու տեսողական տոնուսը ամրացնելու համար։
Ամբողջական ութժամյա քունը կօգնի ազատվել տեսողական հոգնածությունից: Աչքերի առողջությունն ուղղակիորեն կապված է նրա հետ, թե որքան լավ եք քնում: Նորմալ քունն առանց ընդհատումների անհրաժեշտ է մարմնի բոլոր համակարգերի անխափան աշխատանքի համար։
Պետք է հաճախակի օգտագործել խոնավեցնող կաթիլներ՝ խորհրդակցելով ակնաբույժի հետ: Արհեստական արցունքի պատրաստուկներն ուղղված են եղջերաթաղանթի խոնավացման գործընթացի նորմալացմանը, ինչը կպաշտպանի աչքերը չորացումից, քորից և այրոցից։
Կոպերի թեթև մերսումը կարող է նաև օգնել թեթևացնել աչքերի հոգնածությունը: Սա կբարելավի արյան հոսքը տեսողության օրգանում, կօգնի ազատվել լարվածությունից։
Անհրաժեշտ է ուշադիր հետևել աչքերի վիճակին, պահպանել հիգիենան և կանխարգելիչ միջոցառումները։ Նմանատիպ պարզ կանխարգելիչ միջոցները կարող են փրկել տեսողությունը և կանխել լուրջ պաթոլոգիաների զարգացումը:
«ԿՅԱՆՔԻ ՈՐԱԿ» բաժնի գործընկեր՝ «ԴԵՐԺԱՎԱ-Ս» ընկերություն։
Բաժնի բոլոր նյութերին կարող եք ծանոթանալ ԱՅՍՏԵՂ։
