44-օրյա պատերազմում զոհված զինծառայողների ևս 50 մասունք ուղարկվել է Նիդերլանդներ, կառավարությունում լրագրողների հետ զրույցում ասաց Առողջապահության նախարար Անահիտ Ավանեսյանը:
Նա ասաց, թե մասունքներն ուղարկվել են, որպեսզի իրականացվի լրացուցիչ փորձաքննություն ու հնարավոր լինի շատ վնասված մասունքներից ստանալ պատասխաններ:
«Երբ կլինեն պատասխանները, այդ մասին լրացուցիչ պարզաբանմամբ հանդես կգանք», - նշեց նախարարը:
Ավանեսյանն ասաց, թե ուղարկվել են այն մասունքները, որոնք, նախնական գնահատմամբ, դժվար փորձաքննության ենթարկվող մասունքներ են, բայց «կա նախնական գնահատական, որ, հնարավոր է, դրանց հետ աշխատել»:
