ՀՀ-ն ու ՌԴ-ն համատեղ փնտրում են հեռանկարային համագործակցության նոր ուղղություններ․ այս մասին Ռուսաստանի Օրվա առթիվ կազմակերպված ընդունելության ժամանակ հայտարարել է ՀՀ փոխվարչապետ Մհեր Գրիգորյանը։
Նրա խոսքով, նոր նախաձեռնություններն օգտակար կլինեն երկու երկրների, նրանց ժողովուրդների, տնտեսությունների, աշխարհում և տարածաշրջանում անվտանգության ու կայունության համար։
Հայաստանի փոխվարչապետը բարձր է գնահատել հայ-ռուսական կապերը, առանձնացրել ռազմաքաղաքական, տնտեսական, էներգետիկ, տրանսպորտային ոլորտներում համագործակցությունը, ինչպես նաև փոխշփումները ԵԱՏՄ, ՀԱՊԿ, ԱՊՀ շրջանակում։
