Մայիսի 3-ին ոստիկանության Տարոնի բաժնի քրեական հետախույզները տեղեկություններ ստացան, որ Վանաձոր քաղաքի Բաղրամյան փողոցում մետաղյա դետալներ են գողանում և այդ պահին գողոնը տեղավորում են «ԳԱԶել» մակնիշի մեքենայի մեջ:
Ոստիկանությունից հայտնում են, որ օպերատիվ խումբը շտապեց տեղեկություններն իրացնելու։ Իրավապահները նշված փողոցից, մետաղական կոնստրուկցիաներով բեռնված «ԳԱԶելով» հանդերձ, բերման ենթարկեցին չորս տղամարդու, որոնցից երեքը՝ Վանաձորի, մեկը՝ Գուգարքի բնակիչներ:
Վանաձորցի 38-ամյա տղամարդը հայտնեց, որ ինքն է կանչել նշված մեքենան՝ գողոնը Սանկտ Պետերբուրգի փողոցի մետաղի ընդունման կետ տեղափոխելու և վաճառելու նպատակով:
Հանգամանքները պարզվում են:
Նախապատրաստվում են նյութեր:
